Way hinungdan ang kalambuan kon gutom ang katawhan sumala sa bag-ong gobernador

HAW-ANG ug way kahulogan ang kalambuan kon gutom ang katawhan sumala sa bag-o ug ika-25 nga gobernador sa Bohol.

Lig-onon ni Gob. Edgar Chatto ang kolaborasyon tali sa mga ahensiya sa pagkaon sama sa Departamento sa Agrikultura ug National Food Authority isip kabahin sa iyang mga stratehiya.

Mabalak-on nga naobserbahan ni Chatto nga dakung bahin sa sektor sa mag-uuma ug ubang tigprodukto og pagkaon nga naggamit gihapon sa tradisyonal nga mga pamaagi.

Gikinahanglan matud ni Chatto ang pagpahimutang sa mga tukmang teknolohiya samtang subli niyang gipalanog ang adbokasiyang FAITH o Food Always In The Home.

Iya sab nga gidasig ang mga mayor ug ubang lider sa kalungsoran sa pagdugang og mga tawo sa programa sa agrikultura.