SUPORTADO sa bagong liderato sa probinsiya sa Bohol ang administrasyon ni Pres. Noynoy Aquino sa pag-alibyo sa kahimtang sa katawhan.
Kini gipalanog ni Gob. Edgar Chatto sa mga opisyal ug kawani sa Department of Agrarian Reform (DAR) nga nagsaulog karon sa unang sumad sa Comprehensive Agrarian Reform Program Extension with Reforms (CARPer).
Kumbinsido ang gobernador nga kinahanglang magtambayayong ang nasudnon ug lokal nga kagamhanan, lakip na ang pagsiguro sa katumanan sa tumong sa repormang agraryo.
Ang administrasyon ni Chatto aduna mismoy inisyatiba sa pagpakigbatok sa kawad-on ug kini iyang gitawag og Countryside Action Against Poverty (CAAP).
Kini usa sa iyang mga nag-unang estratehiya sa paghatud sa mga proyekto ug serbisyo sa pagpa-uswag sa kahimtang sa katawhang Bol-anon.
No comments:
Post a Comment