IGAHIN ni Gob. Edgar Chatto ang matag Lunes isip People’s Day sa kapitolyo ubos sa iyang administrasyon.
Mahimo kining tradisyon sa panggoberno sa probinsiya nga bukas ngadto sa katawhan ug di mag-agad sa gintang sa kahimtang ug kasungi-an sa pagtoo, prinsipyo o pulitika.
May mga sinaligan sa iyang buhatan nga moatiman sa katawhan kon ugaling wa si Chatto sa kapitolyo sa People’s Day gumikan sa mahinungdanong lakaw o tigum.
Buot sa bag-ong gobernador nga patas-an pa sa mga hepe ug kawani sa kapitolyo ang ilang pasensiya.
Gimugna ni Chatto ang People’s Day matag Lunes kay matud niya dili lalim ilabi na sa mga naggikan sa isla ug bukid ang pagbiyahe aron lang ikapadangat ang ilang mga tuyo sa kagamhanan.
No comments:
Post a Comment