GIAPRUBAHAN ang bag-ong chairmanship sa mga komiteba sa Sangguniang Panlalawigan, ang labing taas nga policy-making body sa lalawigan.
Si SP presiding officer ug Bise Gob. Concepcion Lim maoy mangulo sa gamhanang komiteba sa aproprasyon. Si Bokal Cesar Tomas Lopez ang iyang vice chairman samtang sakop sila si Bokal Abeleon Damalerio sa Unang Distrito, Romulo Cepedoza sa Segundo Distrito ug Godofreda Tirol sa Tersero Distrito.
Ang babayeng bise gobernador mao say tsirman sa committee on personnel samtang si Lopez maoy pangulo sa committee on health ug komiteba sa edukasyon.
Si Damalerio napili nga tsirman sa committee on natural resources and environmental protection samtang si Cepedoza mangulo sa mga komiteba sa government properties and enterprises ug public utilities and franchises.
Si Tirol maoy tsirman sa mga komiteba sa turismo ug women and family welfare.
Ang ubang komiteba ug ilang mga tsirman mao kining mosunod: Bokal Venzencio Arcamo, committee on good government ug committee on trade, industry and cooperatives; Bokal Bienvenido Molina, committee on ways and means ug committee on zoning and urban and rural development; Bokal Dionisio Balite, committee on review of municipal ordinances and related issuances; Bokal Brigido Imboy, committee on public works and related infrastructures ug committee on peace and order; Bokal Josephine Socorro Jumamoy, committee on general resolutions and ordinances ug committee on labor and employment; ug Bokal Gerardo Garcia, committee on public accountability.
Si Bokal Ariel Lungay kinsa bag-ong presidente sa Philippine Councilors’ League sa Bohol maoy tsirman sa committee on culture and arts and NGOs.
Ang bag-ong presidente sa Liga ng mga Barangay sa lalawigan nga si Bokal Cheche Vergara maoy tsirman sa committee on barangay affairs.
Ang komiteba sa youth and sports development nagpabilin kang Bokal Jane Censoria Cajes, kinsa presidente sa SK sa nasud ug sa probinsiya sa Bohol ingon man komisyonado sa National Youth Commission.
No comments:
Post a Comment