Makigtagbo si Gob. Edgar Chatto sa kadagkuan sa PPA ug mga mayor kalabot sa reklamo nga way nasapi ang mga LGU gikan sa mga pantalan

MAKIGTAGBO si Gob. Edgar Chatto sa kadagkuan sa Philippine Ports Authority (PPA) ug mga mayor sa lungsod nga may pantalan mahitungod sa reklamo nga di ka kolekta og port fees ang mga LGU.

Buot sa gobernador nga magkasinabot ang mga LGU ug PPA sa usa ka komon nga posisyon sa maong tigum nga himoon karong Agosto 5 dinhi.

May mga LGU nga nangandoyng mabalik kanila ang administrative function ngadto sa mga pantalan nga nahimutang sa tagsa-tagsa nila ka teritoryo.

Ang maong kritikal nga isyu nahisgotan sab sa panagtagbo sa gobernador ug mga mayor uban kang Bise Pres. Jejomar Binay sa People’s Mansion niadtong Domingo.

Matud sa usa ka mayor, wa ihatag sa PPA ngadto sa LGU ang bisan usa ka porsento sa kita sa PPA sa padagan sa pantalan.