Administrasyon ni Chatto dili mopasagad sa mga kawani sa probinsiya

Di magmahay sa administrasyong Chatto ang mga buotan ug kugihan nga mga kawani.

Gipasalig sa bag-ong gobernador atol sa iyang inaugural speech nga iyang ihatag ang tanang kaayohan nga angayng madawat sa mga kawani sa probinsiya, lakip niini ang ilang mga benepisyo.

Matud ni Chatto ang makugihon nga panerbisyo angay lang nga gantihan agi sab og dugang pagdasig ngadto sa mga kawani nga maoy dugokan sa pangalagad sa goberno.

Apan aron ikahatag ang tanang kaayohan sa mga kawani, kinahanglan sab nga mosaka ang koleksyon sa probinsiya isip dugang nga tinubdan sa pondo.

Kini mahimo pinaagi sa pagtapak sa mga buslot sa sistema sa revenue collection sumala sa bag-ong gobernador.