Department cluster coordination system ipatuman sa probinsiya

IPATUMAN sa bag-ong administrasyon sa probinsiya ang department cluster coordination tumong sa mas tukmang desisyon o palisiya ug paspas nga aksyon.

Si Provincial Administrator Ae Damalerio mao mismoy cluster coordinator para sa Provincial Planning and Development Office, Provincial Legal Office, Human Resource Management and Development Office, ug sa mga programa sa kalinaw ug kahusay.

Sila si Jerome Maniwang ug Tessie Pernia ang cluster coordinators sa Provincial Tresurer’s Office, Budget Office ug Accounting Office.

Ang cluster coordinator para sa Provincial Engineering Office, Motor Pool ug General Services Office mao si executive assistant for internal affairs Ben Redulla.

Si Provincial Agriculturist Liza Quirog ang cluster coordinator sa Office of the Provincial Agriculture, Provincial Health Office, Office of the Provincial Veterinarian ug Office of the Provincial Social Welfare and Development.

Matud sa gobernador mahinungdanon ang department cluster coordination, ilabi na sa tataw ug hiniusang pag-ila sa mga isyu nga magkinahanglan og aksyon sa hepe ehekutibo sa lalawigan.