BUHI-ON pagbalik ang mga district health zones sa probinsiya tumong sa epektibo nga serbisyo sa kahimsog ug panglawas sa mga Bol-anon, ilabi na sa kalungsoran.
Himoon ni Gob. Edgar Chatto ang mga health zones nga tinuoray nga functional isip usa sab ka paagi sa pag-ugmad sa kapasidad sa mga district hospitals ug ubang tambalanan nga gidumala sa kagamhanang probinsiyal.
Lakip nga konsultahon sa gobernador ang mga mayor ug Liga sa Barangay mahitungod niini human nga ang district health zone system apil nga gituki sa tulo ka adlaw strategic planning workshop sa kapitolyo.
Lig-onon sab ni Chatto ang sistema sa barangay health workers (BHW) hangtud na sa mga purok kay mahinungdanon ang epektibo nga primary health care.
Kini gipadayag sa gobernador atol sa convocation sa kapitolyo kagahapon (Lunes, Hulyo 12) kanus-a ang Provincial Health Office (PHO) mao mismoy nihimo og presentasyon.
Sa maong kalihukan gipresentar sa hepe sa PHO nga si Dr. Reymoses Cabagnot ang mga accomplishments sa iyang buhatan.
No comments:
Post a Comment