Mando ni kanhi Gob. Aumentado pagpabalik sa mga kawani ngadto sa ilang mga mother units gidasunan ni Gob. Chatto

GIDASUNAN ni Gob. Edgar Chatto ang panapos nga memorandum advisory ni kanhi Gob. Erico Aumentado sa pagpabalik sa mga kawani nga nadestino sa laing buhatan ngadto sa ilang mga mother units.

Apan nipasabot ang bag-ong gobernador nga kini kabahin sa organizational diagnosis aron matino kon asa gyud mas mapuslanon ug epektibo ang mga kawani.

Kini maghatag sab og unod ug kahulogan ngadto sa ilang orihinal nga appointment.

Ipatunhay ni Chatto ang himsog nga sistema sa konsultasyon tali sa mga hepe sa departamento ug mga kawani mismo alang sa mas episyente nga serbisyo.

Iyang gipasalig ang usa ka buhatan sa gobernador nga andam ug kanunayng bukas sa diskusyon kay para kaniya ang panggoberno usa gyud ka hiniusang tahas.