GIHAGIT ni Gob. Edgar Chatto ang katawhan sa pagpakabana kay ang konsultasyon ug partisipasyon kabahin sa mga prinsiyo sa iyang admnistrasyon.
Matud ni Chatto dili idlas ang kalamposan kon ang matag Bol-anon motanyag sa iyang kaugalingon isip kabahin sa solusyon imbes sa problema.
Nunot niini gidayeg sa gobernador ang commitment sa mga lider sa kalungsoran alang sa paspas nga paglihuk sa Bohol ngadto sa labing tukmang kaugmaran.
Gitumbok sab ni Chatto ang kapasidad sa mga kongresistang Bol-anon isip tulay ngadto sa nasudnong kagamhanan.
Nag-uban sila si Chatto, Kong. Rene Relampagos ug Kong. Arthur yap sa pagbukas sa Sandugo Agri-Technology Fair ning semanaha samtang si Kong. Aumentado nipadangat sa iyang kasibot unta sa pagtambong kon di pa sa importante niyang biyahe sa kaulohan.
No comments:
Post a Comment