BISAN og gobernador na siya, nagbaha lang gihapon ang pasalamat sa mga ayuda ug suporta nga iyang gikahatag kaniadto isip kongresista sa Unang Distrito.
Labing ulahing nagpasalamat kang Gob. Edgar Chatto ang Girl Scouts of the Philippines sa Bohol ug konseho sa barangay sa Booy ning syudad sa Tagbilaran.
Gikalipay sa Girl Scouts – Bohol Council pinangulohan ni manlalaban Roselima Abapo ang paghatag ni Chatto og P750,000 para sa conference hall ug mga pasilidad niini.
Nagpasalamat sa laing bahin ang barangay sa Booy ning syudad pinangulohan ni kapitan Eutorgio Telmo, Jr. sa ayuda ni Chatto sa pagtukod sa barangay covered court.
Nilusot ang mga pondo sa proyekto nunot sa paningkamot ni Chatto sa kongresista pa siya apan nagpasalamat ang Girl Scouts ug barangay sa Booy bisan og gobernador na si Chatto.
Ang pasalamat gipaagi sa managlahing resolusyon sa Girl Scouts – Bohol Council ug konseho sa nahisgotang barangay sa syudad sa Tagbilaran.
No comments:
Post a Comment