ANG pagpahimsog sa kalikopan maoy nahimong sentro sa pagtak-op sa nasudnong asembleya sa Sangguniang Kabataan dinhi sa Bohol kaganihang buntag (Biyernes, Hulyo 30).
Nagtanum og mga kahoy ang kabataang lider sa Tree Park sa Sikatuna uban si Miss Earth Philippines 2010 Kris Psyche Resus.
Ang SK National Congress gipangunahan sa Bol-anong presidente niini nga si Bokal Jane Censoria Cajes, kinsa komisyonado sab sa National Youth Commission.
Ang pagpananum og kahoy nitukma sa tema sa ilang asembleya nga “I love Mother Earth.”
Gikalipay ni Gob. Edgar Chatto ang gipakitang pagpangga sa kabataan ngadto sa kalikopan kay kini natukma sab sa bisyon sa Bohol tumong sa malungtarung kalambuan.
No comments:
Post a Comment