IPAHIGAYON sa kagamhanang probinsiyal karong Agosto 10 ang HEAT Caravan sa islang lungsod sa Pres. Garcia, kanhi gitawag og Pitogo.
Ang HEAT maoy minubo sa nag-unang prayoridad sa unang bag-ong administrasyon sa kapitolyo. Kini nagkahulogan og Health, Education, Agriculture ug Tourism.
Ang caravan pangunahan mismo nila ni Gob. Edgar Chatto ug Bise Gobernador Concepcion Lim, kinsa pulos nidaug sa maong islang lungsod sa Segundo Distrito sa niaging piniliay.
Ang HEAT Caravan salmotan sab sa mga hepe sa departamento sa kapitolyo kinsa nagtigum kaganiha (Biyernes) agig pangandam sa talagsaong kalihukan.
Ang HEAT Caravan gipaabot nga mainitong hangpon sa mga lider ug katawhan sa islang lungsod pinangulohan ni Mayor Tesalonica Boyboy.
No comments:
Post a Comment