GIHATAGAN ni Gob. Edgar Chatto ang katawhan og mga ideya kon unsay buot niyang mahitabo sa Bohol ug mga Bol-anon ubos sa iyang administrasyon.
Nag-una sa iyang mga prayoridad ang kahimsog ug panglawas, edukasyon, agrikultura ug turismo isip tinubdan sa trabaho ug panginabuhi.
Iyang hipnoon ang mga palisiya sa turismo ug kahimsog sa kalikopan samtang paningkamotan ang igong pagkaon, maabot nga health care system, maabot nga de kalidad nga edukasyon, supisyenteng kuryente ug tubig, dugang kahigayonan sa panginabuhi, ug pagsustinir sa kalinaw ug kahusay.
Nagplano ang gobernador sa pagpatawag og health ug agricultural summit aron lapad nga masusi ang kasamtangang kondisyon ug direksyon sa maong mga prayoridad.
Siguradohon sab sa administrasyong Chatto ang himsog nga relasyon sa kagamhanan tali sa sektor sa patigayon.
Lakip na niini ang pagtukod og cash unit sa Central Bank dinhi sa Bohol.
No comments:
Post a Comment