NAPANGLANTAWAN ni Gob. Edgar Chatto ang hilabihan ka-busy nga unang usa ka gatos ka adlaw sa iyang administrasyon sa probinsiya.
Opisyal siyang niasumir sa labing taas nga katungdanan sa kapitolyo sa Bohol human sa iyang pagpanumpa sa atubangan ni Executive Presiding Judge Fernando Fuentes niadtong Miyerkoles, Hunyo 30.
Uban kaniya nga nanumpa sa nagkalainlaing administering officers nga mga huwes sila si Bise Gob. Concepcion Lim, Kong. Rene Relampagos, Erico Aumentado ug Arthur Yap, ug mga bokal nga sila si Cesar Tomas Lopez, Abeleon Damalerio, Venzencio Arcamo, Josephine Socorro Jumamoy, Romulo Cepedoza, Gerardo Garcia, Dionisio Balite, Bienvenido Molina, Jr., Brigido Imboy ug Godofreda Tirol.
Gipasalig ni Chatto ang usa ka liderato nga dayag ug modasig sa katawhan sa pagsalmot ug pagtampo sa kaugmaran.
Matud niya ang panggoberno dili buhat sa usa lamang ka tawo kay kini kolektibong tahas sa lider ug katawhan.
No comments:
Post a Comment