UGMA na (Martes, Hulyo 27) inay sa Huwebes ang tigum sa Regional Peace and Order Council (RPOC) nga ipahigayon sa Bohl Tropics ning syudad sa Tagbilaran.
Kini buksan pinaagi sa mensahe ni Gob. Edgar Chatto. Ang tigum pangunahan sa chairman sa RPOC nga si Gov. Gwendolyn Garcia.
Ang asembleya orihinal nga gi-schedule sa Hulyo 29 apan kini gisibog ngadto na sa Hulyo 27 gumikan sa importanteng biyahe ni Garcia sa kaulohan sumala ni DILG Regional Dir. Pedro Noval, ang hepe sa RPOC Secretariat.
Ang tigum sa RPOC nga sugdan human sa paniudto salmotan sa mga nag-unang opisyal sa kagamhanan, militar, kapolisan, ubang natungdang ahensiya ug sektor sa Bohol, Sugbo, Negros Oriental ug Siquijor.
Ipresentar ang kahimtang sa kalinaw ug kahusay, lakip na ang sitwasyon sa insurhensiya, sa rehiyon pinaagi kang Sr. Supt. Melvin Buenafe, ang hepe sa Regional Intelligence Division sa Regional Police Office.
No comments:
Post a Comment