Subling gipahinumduman ang mga hepe sa buhatan sa kapitolyo sa pagpuyo sa ilang mga opisina atol sa People’s Day kada Lunes

SUBLING gipahinumduman ni Gob. Edgar Chatto ang mga hepe sa buhatan sa kapitolyo sa pag-istar sa ilang mga opisina atol sa People’s Day matag Lunes.

Buot sa gobernor nga wad-on ang mga insidente kanus-a ang adunay tuyo sa buhatan sa goberno balibaran kay wa ang hepe ug pabalikon lang kay ang nahibilin dili ka aksyon sa panginahanglan.

Kini gibalik sa pagpalanog ni Chatto sa tigum sa Management Executive Board (MEB) sa kagamhanang probinsiyal kagahapon, Lunes, Hulyo 19.

Kon ang hepe sa buhatan molakaw atol sa People’s Day kay importante na gyud kaayo ang tumong, kinahanglang pormal nga pahibaw-on ang buhatan sa gobernador aron adunay ikabilin nga makadesisyon o makapirma.