Mga LGU gidasig sa paggamit sa ilang gahum sa pagpamuhis

GIDASIG ni Bise Pres. Jejomar Binay ang mga LGU sa paggamit sa ilang gahum sa pagkolekta og buhis ug ubang paagi sa revenue generation nga gitugot sa balaod.

Bisan ang mga barangay adunay mandato mahitungod niini pinasubay sa Local government Code sumala ni Binay.

Kini iyang gipalanog agig reaksyon ngadto sa reklamo sa pipila ka mga mayor kansang mga lungsod adunay pantalan apan ang LGU di ka kolekta og bisag unsa kay napunta sa Philippine Ports Authority (PPA).

Way problema ang syudad sa Makati diin si Binay maoy mayor kaniadto kay gani may barangay didto nga ang budget mokabata og P250 milyones. Ang Makati giila nga business capital sa Pilipinas.

Matud ni Binay maglabad gani ang ilang ulo kon unsaon sa paggasto ang ilang pondo. Nibiya si Binay sa pagkamayor nga nagbilin sa panudlanan sa syudad sa makati og P11 bilyones.