MAY mga sentimental nga rason ug kasinati-an nganong suod sa dughan ni Bise Pres. Jejomar Binay ang Bohol ug mga Bol-anon.
Matud sa bise presidente, ang iyang babayeng anak nga kongresista naminyo ngadto sa usa ka Campos nga mao say apilyedo sa bana sa bugtong anak nga babaye sa Bol-anong presidente nga si Carlos P. Garcia.
Bisan og gumikan lang niini aduna nay katali-an ang iyang banay ug ang mga Bol-anon sumala ni Binay.
Dugang niini, nasinati na sa bise presidente si Gob. Edgar Chatto kay nagkauban sila sa national executive board sa Boy Scouts of the Philippines. Si Binay maoy nasudnong presidente sa Boy Scouts hangtud karon samtang si Chatto maoy chairman sa Boy Scouts sa Bohol.
Sama sa gobernador sa Bohol, ang bise presidente sa nasud naggikan sab sa pagkamayor.
Sama kang Chatto, si Binay nakatungha sa John F. Kennedy School of Government sa Harvard University sa Estados Unidos.
No comments:
Post a Comment