Paglaum sa tukma nga mga kalamposan gipalanog ni Gob. Edgar Chatto sa inaugural session sa hunta probinsiyal

MALAUMON si Gob. Edgar Chatto pa sa Bohol ug ngadto sa mga Bol-anon ang daghan ug labing tukmang kalamposan.

Kini gideklarar sa batan-ong gobernador sa iyang hamubo apan determinadong mensahe sa inaugural session sa hunta probinsiya pinangulohan ni Bise Gob. Concepcion Lim.

Way pupanagana nga gipadayag ni Chatto ang kaandam sa mga lider sa Bohol karon nga iyang gipangunahan isip ika 25 nga hepe ehekutibo sa probinsiya.

Sa ilang kabahin, gipalanog sa mga sakop sa Sangguniang Panlalawigan sa ilang mga inaugural speeches ang suporta ngadto sa mga inisyatiba sa kalambuan sa bag-ong administrasyon.

Ang inaugural session sa hunta probinsiyal gisaksihan sa mga hepe sa departmento sa kagamhanang probinsiyal ug sa bag-ong presidente sa mga mayor sa Bohol nga si Loay Mayor May Imboy.