ADUNA nay standard boxing ring ang Bohol nga andam magamit bisan sa usa ka world boxing title fight nga ipahigayon dinhi.
Ang standard boxing ring aduna pa gyuy pakapin nga mga ekipo o gamit sa pagpamoksing sumala ni Gob. Edgar Chatto sa tigum sa Provincial School Board.
Ang maong kalambuan gihangop sa mga sakop sa school board ug kadagkuan sa DepEd kay apil ang boksing sa paugnat sa kusog diin adunay potensiyal ang kabataang Bol-anon.
Ang mahinungdanong pasilidad sa pamoksing andam na nga ihatud dinhi sakay sa barko gikan sa kaulohan.
Ang standard boxing ring ug ubang kagamitan nasiguro ni Chatto gikan sa Philippine Sports Commission (PSC).
Buot sa gobernador nga ipatuman sa Bohol ang year-round sports program nga may tukmang suporta isip usa ka estratehiya sa malungtarung kaugmaran sa batan-on Bol-anon.
No comments:
Post a Comment