HINGUSGAN ang pagpatuman sa mga programa sa kahimsog, edukasyon, agrikultura ug turismo sa probinsiya.
Gipresentar ang mga estratehiya tumong niini atol sa tigum sa Provincial Development Council (PDC) pinangunahan ni Gob. Edgar Chatto sa Balilihan nga nagpiyesta sa maong okasyon.
Nagtapok ang mga mayor sa maong tigum nga gitambongan sab nila ni Bise Gob. Concepcion Lim, Kong. Rene Relampagos sa Unang Distrito, Erico Aumentado sa Segundo Distrito ug Arthur Yap sa Tersero Distrito, mga sakop sa hunta probinsiyal ug representante sa daghang sektor.
Gipresentar sab ang mas tataw nga bisyon para sa lalawigan nga mag-una isip destinasyon sa eco-cultural tourism ug may balanseng agrikultura ug industriya, katawhang maalamon ug mahadlokon sa Diyos, ug himsog nga kinaiyahan.
Gipahigayon didto gihapon sa Balilihan sa samang adlaw ang tigum sa liga sa mga mayor sa Bohol pinangulohan sa presidente niini nga si Loay Mayor Rosemarie Imboy.
No comments:
Post a Comment