Bulawanon ang higayon sa pagsilbe sa probinsiya uban ang labing takus nga mga lider sumala sa bag-ong bise gobernador

DAKUNG prebilihiyo ang pagserbisyo sa probinsiya uban ang mga labing takus sa katungdanan sumala ni Bise Gob. Concepcion Lim.

Nipasalig ang labing unang babaye nga bise gobernador sa Bohol nga dili lang hingpit nga suporta ang iyang itampo sa administrasyon ni Gob. Edgar Chatto.

Isip doktor sa propesyon, iyang siguradohon ang kahimsog sa gobernador aron lagsik ang pangpangulo ni Chatto ngadto sa malungtarung kalambuan sumala ni Lim.

Sa iyang kabahin giawhag ni kanhi Gob. Erico Aumentado ang mga kawani sa probinsiya sa pagdoble sa ilang suporta sa bag-ong administrasyon sa lalawigan.

Ang pagpanumpa ni Chatto ug ubang kadagkuan sa Bohol gisaksihan sab nila ni kanhi Gob. Rolando Butalid, David Tirol ug Victor dela Serna.