INISYAL nga ginganlan ni Gob. Edgar Chatto ang pipila ka mga sinaligan nga moabag sa iyang administrasyon atol sa labing una niyang capitol convocation program kagahapon (Lunes) sa buntag.
Sila naglakip kang Provincial Administrator Alfonso Damalerio II, kanhi Maribojoc Vice Mayor Gavino Redulla isip executive assistant for internal affairs, kanhi district congressional chief-of-staff ug Bokal Billy Tongco isip executive assistant for external affairs, Jerome Maniwang sa fiscal management ug Tessie Pernia isip consultant sa panalapi, kanhi Dauis Mayor Reynaldo Gacayan sa LGU ug barangay constituency services, ug Liza Flores sa PROCESS Foundation nga maoy modumala sa special unit sa external affairs.
Si Provincial Agriculturist Liza Quirog maoy modumala sa coordinating unit sa tanang attached units ug satellite offices sa buhatan sa gobernador. Kasamtangang modumala sa Office of the Provincial Agriculture ang assistant ni Quirog nga si Larry Pamugas.
Gitudlo sab ni Chatto ang iyang kanhi congressional staff nga si Anthony Damalerio isip constituency service traffic manager kay di gusto ang gobernador nga simod maoy itudlo ngadto sa katawhan nga adunay tuyo sa mga buhatan sa kapitolyo.
No comments:
Post a Comment