Kabatan-onan gihagit ni Gob. Edgar Chatto sa pag-ugmad pa sa ilang potensiyal

GIHAGIT ni Gob. Edgar Chatto ang kabataang lider sa nasud sa pag-ugmad pa sa ilang potensiyal atol sa pagbukas sa Sangguniang Kabataan (SK) National Congress sa Alona Kew White Beach Convention Center sa Panglao..

Buot sa gobernador nga mahimong mas mapuslanon ang kabataan karon ilabi na nga diha kanila nag-agad ang kaugmaon sa nasud

Ang konbensyon nga matapos karong Sabado gipangunahan sa Bol-anong SK national president nga si Bokal Jane Censoria Cajes, kinsa usa sab ka komisyonado sa National Youth Commission.

Gipasalamatan sa SK ang pagsanong sa gobernador sa imbitasyon kay si Chatto giidolo bisan sa mga batan-ong lider sa ubang probinsiya.

Si Chatto usa mismo ka youth leader sa iyang panahon isip presidente kaniadto sa Kabataang Barangay sa Bohol. Nahimo sab siya nga nasudnong presidente sa National Movement of Young Legislators (NMYL).