PUWEDENG makasapi ang mga Badjao nga di magpalimos ug makatampo pa gyud sa kahinlo sa palibot ug kahimsog sa kalikopan.
Sila puwedeng himoong tigkolekta o tigpamunit og mga basura nga plastik ug kini ilang i-turn over sa LGU aron ma-recycle.
Ang maong inisyatiba gisugyot atol sa tigum sa Provincial Tourism Council (PTC) uban kang Gob. Edgar Chatto.
Apan gikaigo-an sab sa samang tigum nga kinahanglang moagi ang mga Badjao og tukmang pagbansay-bansay aron makakat-on sila sa pagkaproduktibo ug pagpakabuhi sa kinaugalingon.
Sagad nga nabuhi ang mga Badjao sa pangisda, apan daghan sab kanila ang naglatagaw ilabina dinhi sa syudad sa Tagbilaran nga nagkabulingit ug nagpakilimos.
No comments:
Post a Comment