Tutokan ang mga kritikal nga isyo sa kabataan atol sa Children’s Congress sa Bohol ning adlawa

IPAHIGAYON ning adlawa (Miyerkoles) ang Provincial Children’s Congress nga gilaumang motagad sa mas kritikal nga mga isyo sa kabataan ning panahona.

Dakung prayoridad ni Gob. Edgar Chatto ang sektor sa kabataan kansang kaugmaran usa sa labing unang gitutokan sa iyang administrasyon, ilabi na sa natad sa edukasyon.

Buot sa gobernador nga motunhay ang mga programa ug pamaagi nga moagak ug mogiya sa kabataan di lang ngadto sa personal nga kaugmaran apan sa pagkamapuslanon nga sakop sa komunidad.

Ang Provincial Children’s Congress sa Bohol nga ipahigayon sa JJ’s Seafood Village dinhi gikatakdang buksan sa alas 8 ning buntaga.