Gob. Chatto mangulo pagtak-op sa Cooperative Month karong adlawa sa di mopapanumpa sa mga opisyales sa alyansa sa mga NGO sa Bohol

MAGTAGBO sa Bohol Cultural Center karong buntag (Biyernes) ang kadagkuan sa Bohol, Provincial Cooperative Development Council ug mga kooperatiba sa probinsiya sa pagtak-op sa kasaulogan sa Cooperative Month.

Mosirit didto si Gob. Edgar Chatto human sa iyang senemanang programang Kita ug Ang Gobernador aron ipalanog ang mensahe sa kahiusahan ug kalig-onan sa diwa sa kooperatiba sa tibuok lalawigan.

Gikatakda sab nga mamulong sila si Bise Gob. Concepcion Lim, tulo ka mga kongresista sa Bohol ug Cooperative Development Authority Regional Director Marilyn Estrella.

Gikan sa maong kalihukan, si Chatto makig-uban sa laing dakung tapok, ang general assembly sa Bohol Alliance of Non-Government Organizations (BANGON), kansang opisyales pinangunahan ni manlalaban Raul Barbarona manumpa sa atubangan sa gobernador.