IPASUNDAYAG ang Chocolate Hills, tarsier ug ubang atraksyon sa Bohol pinaagi sa Postage Stamp Exhibition nga kabahin sa 2nd World Famous Mountains Conference sa Mt. Lushan sa Jiangxi, Tsina sa Oktubre 11-15.
Kini saksihan mismo ni Gob. Edgar Chatto kinsa molab-as sa sisterhood agreement tali sa Bohol ug Jiangxi nga probinsiya sa Tsina ug sa Chocolate Hills ug Mt. Lushan.
Ang eksposisyon gipaabot nga motampo sa promosyon sa turismo ug investment sa Bohol.
Abagahon sa probinsiyang Intsik ang opisyal nga biyahe sa gobernador kinsa ubanan sa iyang kapikas nga si Pureza, Provincial Administrator Alfonso Damalerio II, Romulo Tagaan sa Bohol Employment and Placement Office, Provincial Engr. Rosalinda Yu ug Carmen Mayor Conchita Toribio-Delos Reyes.
No comments:
Post a Comment