3 ka barangay sa Bohol isalmot sa seleksyon sa labing maayong Bantay Rabies sa Barangay sa tibuok nasud

TULO ka mga barangay ang napili nga isalmot sa Bohol ngadto sa nasudnong seleksyon sa labing maayong Bantay Rabies sa Barangay (BRB).

Kini mao ang mga BRB sa Cogon Norte sa Loon, San Roque sa Mabini, ug Haguilanan sa Catigbian.

Ang tulo lakip sa 23 ka mga barangay ug 10 ka mga lungsod nga gipasidunggan sa Gov. Edgar M. Chatto Best Performing Rabies Prevention and Eradication Council Awards atol sa Bohol Health Summit.