HINGPIT ang suporta sa kapitolyo pinaagi sa pagbansay-bansay ug ubang programa sa pag-ugmad sa propesyon ug kahinguhaan sa mga Bol-anon.
Hinuon kinahanglan aduna gyuy imbentaryo sa mga potensiyal ug katakus sa mga buot manrabaho kay ang pagkaandam maoy lagda sa panlimbasog sumala ni Gob. Edgar Chatto.
Wa pa maabot ang ponto nga ang mga Bol-anon di na kinahanglang mopalayo aron lang mabuhi, apan matud ni Chatto kini maoy usa sa mga tumong nga gipaningkamotang makab-ot.
Gipadayag sa gobernador ang suporta sa probinsiya sa pag-ugmad sa propesyon ug pangita sa mga Bol-anon samtang nanumpa sa iyang atubangan ang bagong opisyales sa Bohol Association of Public Employment Service Office Managers (BAPESOM) pinangulohan ni capitol PESO officer Maria Vilma Yorong kagahapon (Miyerkoles).
Matud sa gobernador dili gani angayng iluom ug i-utong ang kapakyas sa pagpanrabaho kay daghan ang kahigayonan sa kinaugalingon nga pangita nga suportado sa kagamhanan ug pribadong sektor.
No comments:
Post a Comment