SUGDAN ning buntaga (Huwebes) ang kumbati sa nagkalain-laing paugnat sa kusog atol sa 2010 Bohol Provincial Athletic Meet sa Garcia-Hernandez.
Ang tinuig nga kompetisyon sa mga batan-ong atletang Bol-anon pormal nga gibuksan kagahapon sa hapon pinaagi sa mga presentasyon nga gisundan sa fellowship og socials kagabii.
Ang provincial meet nga gipangunahan sa Departamento sa Edukasyon giabagan sa kagamhanang probinsiyal, mga LGU ug uban pa tumong sa pag-ugmad sa kabataan pinaagi sa sports.
Ang kompetisyon gisalmotan sa mga nag-unang atleta sa bag-o pa lang natapos nga congressional meet sa tulo ka mga distrito sa probinsiya nga gisuportahan sab sa administrasyon ni Gob. Edgar Chatto.
Kanit niini gilatid sa kagamhanang probinsiyal ang mas agresibong programa sa paugnat sa kusog uban ang mas dakung suporta sa mosunod nga katuigan.
No comments:
Post a Comment