I-aplay ni Bise Pres. Jejomar Binay sa tibuok nasud ang programa ni Gob. Edgar Chatto sa OFW sa Bohol

I-APLAY ni Bise Pres. Jejomar Binay sa tibuok nasud ang programa ni Gob. Edgar Chatto mahitungod sa OFW sa Bohol.

Buot sa bise presidente nga ilambigit ug himoon gyung aktibo ang tanang LGU sa nasud sa kalihukan kalabot sa mga OFW, lakip na ang pag-monitor sa mga illegal recruiters.

Si Binay kinsa maoy gitahasan ni Pres. Aquino nga hepe sa OFW affairs sa nasud namahayag sa iyang plano atol sa iyang tigum sa kaulohan uban sa mga ahensiyang may kalabotan sa katungod ug kaayohan sa mga OFW.

Ang pamahayag sa bise presidente nagdasun sa programa ni Chatto sa Bohol sa pagbutang og OFW Desk sa matag lungsod sama sa iyang gibuhat sa kapitolyo karon.

Kon kahinumduman, giawhag ni Chatto human gyud sa iyang pag-asumir sa kapitolyo ang mga mayor sa pagtukod og OFW Desk aron sab adunay pihong OFW data system ang kalungsoran.