GIHUMAN ni Gob. Edgar Chatto ang executive budget meeting sa tanang departamento ug giaprubahan ang Annual Investment Plan sa probinsiya sa makasaysayanong kapaspas sud lang sa una niyang 100 ka adlaw.
Mosunod niini ang pagduso sa annual budget para sa sunod tuig ngadto sa hunta probinsiyal samtang sa laing bahin giaprubahan sa Provincial Development Council niadtong Huwebes (Oct. 7) ang mahinundanong Annual Investment Plan.
Gipresentar sab ni Chatto atol sa programang Kita ug Ang Gobernador kagahapon (Biyernes) ang nag-unang highlights sud sa unang 100 ka adlaw sa iyang administrasyon nunot sa iyang estratehiya nga HEAT kon Health & sanitation, Education & technology, Agriculture & food production, ug Tourism & livelihood.
Lakip niini ang Bohol Health Summit nga gitapos kagahapon (Biyernes), Educational Subsidy Program alang sa mas daghang kabus apan takus nga estudyante, paglusad dinhi sa Bohol sa labing unang Agrarian Reform Cluster sa Central Visayas, ug mas determinadong lihuk tumong sa katumanan sa higanteng tugpahanan sa Panglao.
Ang health summit lang daan giila na ni Health Assistant Sec. Paulyn Jean Rosell-Ubial nga bugtong ug labing nga gihimo sa usa ka probinsiya sa tibuok nasud.
No comments:
Post a Comment