GILUSAD sa senemanang programang Kita ug Ang gobernador ang Emergency ug Quick Response Hotline batok sa kriminalidad ug pagtubag sa mga emerhensiya sa Bohol.
Ang paglusad gipangunahan ni Gob. Edgar Chatto ug Police Provincial Director Constantino Barot, Jr. Gikatakda sab unta nga motambong si Col Romeo Brawner sa Special Forces sa armadong kusog sa nasud.
Ipakatap sa pangpublikong dapit sa tibuok probinsiya ang mga tarpaulin ug poster sa mga hotline nga diha-dihang makontak sa publiko sa panahon sa emerhensiya sama sa krimen, sunog ug uban pa.
Ang hotline sa PNP mao ang 09173051833 ug 09128089297; sa Army o Militar, 09082682695; ug Fire Protection, 160.
Pinaagi sa memorandum-circular, giawhag sa gobernador ang mga LGU, nasudnong ahensiya, law enforcement unit, nagkalainlaing sektor ug uban pang hugpong sa komunidad sa pagtaud og mga tarpaulin ug poster sa emergency ug quick response hotline sa ilang mga dapit.
Kini nunot sab sa deklarasyon sa Provincial Peace and Order Council alang sa hugot nga kampanya batok sa kriminalidad sama sa tulis, kawat, ginadiling drugas, illegal nga sugal lakip ang suertres, ug uban pang salaud nga nagnudnud sa katawhan sa kaalautan.
No comments:
Post a Comment