LAING grupo sa Koreanong inbestor ang buot mobubo og puhonan sa Bohol diin ilang nakita ang daghang potensiyal sa kaugmaran.
Ang grupo nakigtagbo kang Gob. Edgar Chatto kagahapon (Lunes, Oktubre 4) ug ilang gituki ang mga kahigayonan nga makatabang sa mga inbestor ug mga Bol-anon mismo.
Nasibot ang mga langyaw sa kaugmaran sa agrikultura sa Bohol ug sa natad sa idustriya nunot sa gitawag og multi-industry cluster. Nahisgotan ang dinaghang produksyon sa mais ug kamoteng kahoy.
Ang maong grupo sa mga Koreanong magpapatigayon nagkinahanglan og lapad nga luna nga mokabat og 30 mil ektaryas.
Andam motabang ang probinsiya sa mga inbestor apan siguradohon sab sa gobernador nga mabulahan ang mga Bol-anon inay ang ilang kalambuan ug kaugmaon maoy masakripisyo.
No comments:
Post a Comment