DUHA ka kalihukan kagahapon (Huwebes) ang gilauman nga modugang sa pag-ugmad sa turismo ug panginabuhi sa Bohol.
Una niini ang paglusad sa Dive Camp sa Puerto San Pedro sa Bien Unido. Gipahalipayan ni Gob. Edgar Chatto pinaagi kang Provincial Administrator Alfonso Damalerio II ang lungsod sa maong inisyatiba atol sa inagurasyon sa proyekto.
Ang ikaduha gitumbok sa gobernador nga mao ang pagpirmahay sa Memorandum of Cooperation and Agreement tali sa Bohol Tourist Services Multi-Purpose Cooperative ug Philippine Export-Import Credit Agency.
Mahinungdanon ang maong mga kalihukan kay ang turismo giila nga tigmugna og mga kahigayonan sa panrabaho ug panginabuhi sumala ni Chatto kinsa maoy amahan sa National Tourism Act sa kongresista pa siya.
No comments:
Post a Comment