GIHAGIT ni Gob. Edgar Chatto ang tanang nasubli-an ug bag-ong napili nga opisyales sa barangay ug Sangguniang Kabataan sa pagpakita sa ilang kamatinud-anon ug katakus.
Dili nila angayng pakyason ang katawhan kay serbisyo man kaha ang tumong sa ilang pagpapili sumala sa gobernador nga giila mismo nga usa ka takus nga lider sa Bohol.
Gipasalig ni Chato ang andam kanunay nga pag-alalay sa kapitolyo uban kang Bise Gob. Conching Lim ngadto sa mga maayong programa sa kabaranggayan ug SK.
Iyang gipanghinaut nga panalanginan sa Labawng Makagagahum ang mga napili sa niaging eleksyon ug giyahan sila ngadto sa pagkamatarung nga alagad sa lokal nga kagamhanan.
Sa samang higayon gipasalamatan ni Chatto ang mga napakyas sa ilang pagpasubli apan kinsa napamatud-an unta nga ligdong, kugihan ug makama-o sa ilang katungdanan.
No comments:
Post a Comment