GIHIMO sa United Nations ang pagbansay-bansay sa daling serbisyo dinhi sa Bohol kalabot sa sexual ug reproductive health nga mahimutang sa kritikal nga kahimtang.
Mga tumong niini ang pagpugong sa sexual violence, pagtabang sa mga biktima, pag-ila sa mga ahensiya o indibidwal nga mogiya sa koordinasyon ug implementasyon, pagkunhod sa mga kaso sa sexually-transmitted disease ug HIV-AIDS, paglikay sa risgo sa pagpanganak ug sa bag-ong gianak, ug uban pa.
Ang “Training on the Minimum Initial Service Package for Sexual and Reproductive Health in Critical Situations” gitapos kagahapon, (Miyerkoles, Sept. 22) pinaagi sa mga batid sa United Nations Population Fund Country Programme (UNPFA) ug Department of Health (DOH).
Nakig-alayon sa kagamhanang probinsiyal ang UNFPA pinaagi sa Bohol management unit niini kay apil ang panglawas ug kahimsog sa nag-unang programa ni Gob. Edgar Chatto.
Malaumon si UNFPA Provincial Programme Coordinator for Bohol Ma. Solita Virtudazo nga ang kalihukan motampo sa mga health development initiative sa probinsiya karon ug sa umaabot.
No comments:
Post a Comment