Kapitolyo mihakot og tulo ka pasidungog ug naapil sa mga dagkung donor sa Alay Lakad 2010

GIHAKOT sa kagamhanang probinsiyal ang tulo ka pasidungong sa malamposong Alay Lakad 2010 nga gisalmotan sa labing daghang sektor niadtong Domingo.

Naangkon sa Provincial Accounting Office ang Most Colorful Award, Sangguniang Panlalawigan ang Best in Uniform Award samtang ang buhatan sa gobernador maoy labing mabolokon.

Naapil sab ang kapitolyo pinaagi sa SP sa napulo ka mga dagkung donor sa Alay Lakad samtang ang muse sa Holy Name University maoy Miss Alay Lakad 2010.

Ang natigum nga kontribusyon sa Alay Lakad isuporta sa anti-drug abuse campaign, scholarship, skills training sa mga batan-on nga wa ka tiwas sa pag-eskwela, mga kabus apan angayan nga mga estudyante, ug panginabuhi sa kababayen-an.

Ang tsirman sa Alay Lakad executive committee ning tuiga mao si JCI Bohol Sandugo President Gibyrlu Lumayag, finance committee chairman si Bohol Chamber of Commece and Industry President Marieta Gatasan, action officer si City Social Welfare and Development Officer Teresita Villafuerte, ug honorary chairman si Mayor Dan Lim.