MAGSANGKA ang mga banggiitang mag-aawit sa Bohol atol sa Balilihan Sumad Singing Idols sa Septiyembre 28 nga matunong sa bisperas sa ika-182 nga sumad sa lungsod ni Gob. Edgar Chatto.
Ang kompetisyon sa musika bukas sa tanang amateur nga mag-aawit sa probinsiya uban ang ganti nga P5,000, P3,000 ug P2,000 alang sa kampeyon, ikaduha ug ikatulong dapit. Adunay consolation prize nga tag-P500.
Ang mga mosalmot nga babaye ug lalake kinahanglang 14 ngadto sa 25 anyos basi sa ipakitang birth certificate. Sila kinahanglan nga magda og minus one nga lonlon gyud instrumental.
Ang awdisyon himoon sa Balilihan Cultural Center sa Septiyembre 25-26 ug napulo lang ang makasud sa kompetisyon nga himoon sa alas 7 sa gabii sa Septiyembre 28.
Alang sa dugang detalye, gidasig ni Mayor Domie Chatto ug Bise Mayor Efren Chatto ang mga intresado nga mokontak lang kang Jundell Danila sa celfon number 09391906525 ug Konsehal Bernie Lansang sa celfon number 09174308557.
No comments:
Post a Comment