Gituki sa tigum sa mga non-government organization (NGO) uban kang Gob. Edgar Chatto ang mga kakuwangan kalabot sa mga sektor sa panglawas, edukasyon, agrikultura ug turismo.
Matud sa gobernador importante nga matapok ang mga NGO aron malig-on ang ilang katalian sa kagamhanan ug mga kalihukan niini.
Ang mga nahisgutan sa NGO workshop mogiya sa kon unsa nga klase ug asa ipaabot ang mga serbisyo sa goberno inabagan sa mga NGO sumala ni Chatto.
Gipadangat sa mga NGO ngadto sa kagamhanan ang suporta nga ila mismong gikinahanglan.
Gikasabotan ang regyular nga tigum sa mga NGO samtang umolon pinaagi sa executive order sa gobernador ang usa ka technical working group (TWG) tumong sa hapsay nga pagtambabayong.
Ang TWG langkuban sa mga representante sa NGO og kagamhanang probinsiyal.
Matud ni Chatto komon ang tumong sa kagamhanan ug mga NGO nga mao ang pagpalambo sa lalawigan ug kabulahanan sa katawhang Bol-anon.
No comments:
Post a Comment