2 ka adlaw nga eye check-up ipahigayon sa Kapitolyo

Alang sa pagsaulog sa ika-110 ka tuig nga anibersaryo sa Philippine Civil Service, adunay ipahigayon nga LIBRE nga pagpahiling sa mata karong umaabot nga Septyembre 23 of 24 niining bulana alang sa mga kawani sa Kagamhanang Probinsyal.

Ang maong kalihukan adto ipahigayon sa Pres. Carlos P. Garcia Conference Hall nga magsugod gikan sa alas-9:00 sa buntag hangtod sa alas-12:00 sa udto; og ipadayon kini gikan na usab sa ala-1:00 sa palis hangtod na sa alas-5:00 sa hapon.

Gidapit ang tanang mga kawani sa Kagamhanang Probinsyal sa pagpahimulos niining talagsaong higayon nga gipasiugdahan sa Human Resources Management and Development Office o HRMDO sa Kapitolyo nga ubos sa pagdumala ni G. Jo Relampagos og gibuligan sa Chatto-Lim Administration.