MATAPOS karong hapon ang duha ka adlaw nga Kapitolyo Express nga gipahigayon didto sa Island City Mall.
Kini espesyal nga proyekto sa kagamhanang probinsiyal sa paghatud sa serbisyo ngadto sa katawhan gawas sa kapitolyo nunot sa ika-110 nga sumad sa Philippine Civil Service ning buwana.
Ang Kapitolyo Express gisalmotan sa mga buhatan sa kagamhanang probinsiyal ug pipila ka nasudnong ahensiya.
Kini gihangop ug gipunsisokan sa katawhan kagahapon kay nausa na man ang ilang lakaw sa pagpadangat sa ilang tuyo sa kagamhanan samtang nag-shopping o nagpabugnaw sa ICM ug nangumpra sa central market.
Ang Kapitolyo Express nga matapos sa alas 4 karong hapon (Huwebes, Sept. 16) usa sab ka timailhan sa kagamhanan ug demokrasya nga naglihuk ug nag-alagad.
Kini gisugdan kagahapon (Miyerkoles, Sept. 15) nga naatol di lang sa sumad sa Civil Service apan sa pagsaulog sab sa Kalibutanong Adlaw sa Demokrasya o International Democracy Day.
No comments:
Post a Comment