ANDAM na ang Bohol sa mga patigayon ug investment nga nagkinahanglan og kasaligang sistema sa information communication technology sama sa call center.
Kini gipasalig ngadto kang Gob. Edgar Chatto atol sa iyang tigum uban sa kadagkuan sa mga kompanya sa telepono ug komunikasyon dinhi.
Gumikan niini buot sa gobernador nga lig-onon pinaagi sa Bohol Investment Promotions Center (BIPC) ang Bohol Business One-Stop Shop o Bohol BOSS tali sa mga nalinyang ahensiya.
Ang Bohol BOSS gimugna tumong sa mahigalaong klima sa patigayon dinhi pinaagi sa sayon ug hanoy nga pagproseso sa mga gikinahanglan sa mga inbestor.
Matud ni Chatto nagkadaghan ang mga inbestor ug mga nagpangita karon og tukmang dapit sa Bohol para sa patigayon.
No comments:
Post a Comment