BUKSAN pinaagisa pagpananum og kahoy karong buntag (Huwebes) ang usa ka semanang pagsaulog sa ika-182 nga Sumad sa Balilihan pinangulohan ni Mayor Domie Chatto ug Bise Mayor Efren Chatto.
Mosunod ang lapad nga pagpanghinlo ugma, Biyernes, nga maglakip sa paglimpyo sa kasapaan nunot sab sa panawagan sa anak mismo sa Balilihan nga si Gob. Edgar Chatto alang sa Bohol Clean-Up Kontra Dengue ug ubang sakit.
Ipahigayon ang medical ug dental mission inabagan sa kagamhanang probinsiyal sa cultural center sa lungsod sa petsa 25, Sabado.
Daghan pa ang mga kalihukan ug pasundayag nga giandam hangtud nga mohinog ang Sumad sa Balilihan sa Septiyembre 29 o Miyerkoles sa sunod semana.
No comments:
Post a Comment