Mag-uumang Bol-anon gidasig sa pag-imbento og mga sistema alang sa mas maugmarung agrikultura

August 31, 2010


GIDASIG ni Gob. Edgar Chatto ang mga mga-uuma sa paghimo og mga inobasyon o teknolohiya alang sa mas maugmarung agrikultura.

Andam ang gobernador nga moadto sa mag-uuma nga adunay bag-ong nadiskubre nga pamaagi sa pagpanguma ug produksyonsa pagkaon.

Kini gipalanog ni Chatto atol sa Bohol Provincial Magsasaka Siyentista Action Planning and Organizational Meeting sa Provincial Agriculture Office Audio Visual Hall kagahapon (Martes, Agosto 31).

Nipasalig ang gobernador nga andam ug tagana ang kagamhanang probinsiyal sa pagsuporta sa henyo sa mag-uumang Bol-anon.

Ang mahinungdanong action planning workshop ginunot sa HEAT Bohol Program sa probinsiya pinaagi sa buhatan sa agrikultura, Farmers Information and Technology Services (FITS) Center ug uban pa.