Labing unang consultative meeting tali sa LGU gihimo sa gobernador uban ang kadagkuan sa Guindulman

GIHIMO Ni Gob. Edgar Chatto ang labing una niyang consultative meeting tali sa usa ka LGU ug kini uban sa kadagkuan sa Guindulman sa People’s Mansion kagahapon (Martes, Agosto 31))

Lakip sa ilang gihisgotan ang edukasyon ug komunikasyon kay menos ang performance sa mga eskwelahan sa Guindulman sa national assessment samtang problemado sab ang signal sa cellphone didto.

Aron matagad ang maong mga isyu, gipatambong mismo sa gobernador si DepEd-Bohol superintendent Dr. Lorna Rances ug mga representane sa mga cellphone networks.

Ang LGU sa Guindulman gipangunahan nila ni Mayor. Maria Fe Piezas ug Bise Mayor Edineth Hohmann. Nitambong sab ang mga sakop sa Sangguniang Bayan.

Matud sa gobernador mohimo sab siya og consultative meeting sa ubang LGU sa iyang buhatan sa People’s Mansion sa mosunod nga mga adlaw.