Gipadayag ni Provincial Administrator Alfonso Damalerio II sa gihimong binulan nga panagtigum sa Bohol Provincial Peace and Order Council nga ang Chatto-Lim Administration naglaraw nga magtukod og T.a.R.S.I.E.R. o Telephone and Radio Systems Integrated Emergency Response.
Mao kini ang tugbang sa 911 sa Tinipong Bansa sa Amerika diin ang mga emerhensiyang panghitabo dali ra matubag sa mga nagkadaiyang ahensya sa kagamhanan.
Gipadayag ni Damalerio nga nakig-alayon na ang Kagamhanang Probinsyal sa National Telecommunications Commission (NTC) alang sa pagpahigayon sa mga kahimanan aron sa mas madaling pagpatuman sa maong proyekto alang sa pagpanalipod sa kahusay og kalinaw sa probinsya.
No comments:
Post a Comment