Suporta sa Australia sa kaugmaran sa Bohol gipasalamatan sa gobernador

GIPADANGAT ni Gob. Edgar Chatto ang pasalamat ngadto sa kagamhanan sa Australia gumikan sa mga suporta niini sa kalambuan sa Bohol ug mga Bol-anon.

Usa sa gitumbok sa gobernador ang Philippine Provincial Road Management Facility Project sa Bohol karon nga giayudahan sa Australian Assistance for International Development (AusAID).

Sa samang higayon ug sa ngalan sa katawhang Bol-anon, gipadangat ni Chatto ang pahalipay sa pagsaulog sa Australia Day kagahapon (Miyerkoles).

Ang gobernador giimbitar mismo nga motambong sa dinner reception sa selebrasyon didto sa Ayala Museum sa kaulohan kagabii uban kang Australian Ambassador Rod Smith